گوگڵ سیستەمی کارپێکردن دروست دەکات

گوگڵ سیستەمی کارپێکردن دروست دەکات: ماوەی کەمتر لە ساڵێکە گوگڵ وێبگەڕی Chrome ی وەشاند ، کە ئێستا بە ووتەی گوگڵ زیاتر لە ٣٠ ملیۆن بەکارهێنەری هەیە ، ئەمەش بوو بەهاندەرێک بۆ ئەوەی گوگڵ پرۆژەکەی فراوانتر بکات بۆ دروستکردنی سیستەمیکی کارپێکردن بە ناوی " Chrome OS" کە لە بلاگی فەرمی گــوگڵ بە تێرو تەسەلی باسی ئەم " OS" نوێیە کراوە .
ئەم سیستەمە سەرچاوەی کراوە دەبێت وە بۆ لاپتۆپی سوکەڵە (netbook) دروستدەکرێت ، بەڵام پرۆژەکە فروانتر دەکرێت بۆ هەمو جرۆە کۆمپیوتەرێک «full-size desktop systems»، لەچارەکی دووەمی ساڵی داهاتوو، ٢٠١٠ دا ، سیستەمی کارپێیکردنی گوگڵ بڵاودەکرێتەوە.
هەر بەپێی گوگڵ ئەم سیستەمە x86 لێدەخوڕیت لەگەڵ ARM chips وە هەروەها گوگڵ کاردەکات لەگەڵ زۆربەی کۆمپانیاکان بۆ دامەزراندنی Chrome OS لە زۆربەی لاپتۆپەکاندا.
بە ووتەی خۆیان ئەم سیستەمە زۆر خێراو کارامە دەبێت و بۆ کردنەوەی سیستەمەکە و هێلی ئنیتەرنێت چەند چرکەیەک دەخایەنێت.
شایانی باسە گوگڵ گرنگیەکی زۆری بە لایەنی پاراستن داوە لەم سیستەمەدا و، دەڵێت " Chrome OS " بەشیوەیەک دروستکراوە مەترسی ڤایرۆس و ترۆژان سیخوڕ و ماڵوایەری لەسەر نابێت و بەکارهێنەر پێوسیتی نابێت بە (security update) نویکردنەوەی پاراستن.

مایکرۆسۆفت بەرەنگاری گوگڵ دەبێتەوە

مایکرۆسۆفت بەرەنگاری گوگڵ دەبێتەوە.: پاش ئەوەی گوگڵ ویبگەڕی Google Chrome ی فراوانتر کرد بۆ سیستەمێکی کارپێکردن ، بەمەش ڕکابەری مایکرۆسۆفت و گوگڵ قەوارەیەکی نوێی وەرگرت.
وەک لای هەموان ڕوونە گوگڵ لە ماتۆڕی گەڕاندا ئەم ڕکابەریەی بەئەنجامیکی جیاواز و نا بەرانبەر بردۆتەوەو گەورەترین بازاڕی بۆخۆی داگیرکردووە ، بەڵام ئایە گوگڵ ئەتوانێت هەمان ئەنجام بەدەستبهێنێت لە بازاڕی سیستەمی کارپێکردن ، ئەمەش پرسیاری زۆربەی ئایتی دۆستانە.
" Jeff Bertolucci " لە مالپەڕی IDG News ئاماژەی بەهەندێک خاڵ کردووە بۆ چۆنیەتی بەرەنگاربونەوەی مایکرۆسۆفت لە گــــوگڵ :-
یەکەم:
Microsoft Gazelle بەکۆدیکی نوێەوە وێبگەڕی داهاتوی مایکرۆسۆفت دەبێت و جیگرەوەی Internet Explorer دەبێت وە بەهەمان شێوەی Chrome ساز دەکریتەوە بۆ "Web application " و بڕیارە بەیانی دووشممە مایکرۆسۆفت بەفەرمی باسی لەبارەوە بکات و ووردەکاری زیاتر بدات.
دووەم:
Midori بۆ "Web application " هەمان کاری Chrome OS دەکات.
سێیەم:
Windows 7 SE کەتایبەتە بە "Netbooks" , ئەگەر مایکرۆسۆفت بەخۆڕایی بکات ئەوە کاریگەریەکی گرنگی ئەبێت لەسەر Chrome OS.
چوارەم:
هەڕاج و داشکاندنی نرخ و ڕیکلام ، هەروەک مایکرۆسۆفت هەمان چەکی دژی Apple بەکارهێنا و ناوابراو پێی وایە گوگڵ لەم بوارەدا ڕکابەریکی لاوازە.
پێنجەم :
گوگل زۆربەی بەرهەمەکانی تاقیگارین، هەروەک بینیمان دوای پێنج ساڵ G-mail لەتاقیگاری دەرچوو ، بەمەش کۆمپانیاکان ناچارن زیاتر بەرهەمەکانی MS هەڵبژێرن .
شەشەم:
مایکرۆسۆفت ئەزمونێکی دوور و درێژی هەیە لەبارەی سیستەمی کارگێڕی ، بەڵام گوگڵ زیاتر لەخزمەتگوزاری گەڕاندا ئەزمونی هەیە بۆیە لەم بوارەشدا گوگل ناتوانێت سەرکەوتن بەدەست بهینێت بە بۆچونی " Jeff Bertolucci ".

OpenLayers و هەوڵی نەخشەیەک بۆ کوردستا

OpenLayers و هەوڵی نەخشەیەک بۆ کوردستان: وەک ئاشکرایە هەمیشە خەمخۆران و دڵسۆزانی گەلەکەمان بەتەنگ پێشکەوتن و خۆشی ناخۆشی گەلەکەمانەوەن لە جێگەی بەرپرسانی ئەو بوارە ، هەمیشە خۆشبەختانە کەسانی دڵسۆزمان زۆرن ، بەڵام ئەم کەسایەتیانە پێویستیان بە پشتگیری و یارمەتی هەیە.
بۆیە داوا لەهەموو شارازەیان و ئارەزومەندانی زانیاریەجوگرافیەکان دەکەین کە بەشدرای و هاوکاری ئەم پرۆژەیە بکەن.
OpenLayers ، واتە نەخشەی خۆڕایی لەسەر وێب وە ئاسانکاری دەکات بۆ دانانی نەخشە لە وێب.
هەروەها سەرچاوەیەکی کراوەی خۆڕایی جافاسکریپتە ئەدرێت لەژێر BSD Style License هاوشیوەی Google Maps و MSN Virtual Earth APIs و خۆڕاییە.
OpenLayers بەڕیوەدەبرێت و پێشدەخرێت لەلایەن ژمارەیەک ڕیکخراوی جیاواز لە ووڵاتانی دونیادا و سەرچاوەیەکی کراوەیە بۆ هەموو کەسایەتی لایەنێک هەیە بەشداری تێدابکات و پێشی بخات .
OpenLyaers کتێبخانەیەکی پوختی جافاسکریپتە بۆ پیشاندانی نەخشــە بە جوانترین شێوە لە وێبگەڕە پێشەکەوتوەکاندابەبێ ئەوەی پەیوەست بێت بە پەڕەی ڕایەڵەوە " server-side "
زانیاری زیاتر

گرفته‌ ته‌ندروستیه‌كانی كۆمپیوته‌ر چۆن كه‌م ده‌كه‌ینه‌وه‌؟

كاركردنی رۆژانه‌ له‌سه‌ر كۆمپیوته‌ر زۆر گرفتمان بۆ دروست ده‌كات. لێره‌دا مه‌به‌ستمان له‌ گرفته‌كانی سیسته‌می كارپێكردن و راوه‌ستانی كتوپڕی به‌رنامه‌كانی و تووشبوونیان به‌ ڤایرۆ‌س نیيه‌، به‌ڵكو مه‌به‌ست ئه‌و گرفته‌ ته‌ندروستی و جه‌سته‌ییانه‌ی وه‌ك سه‌رئێشه‌ و ماندووبوون و سووربوونه‌وه‌ی چاوه‌كان و ئازاری جومگه‌كانی ده‌ست و مله‌. ئه‌م گرفتانه‌ی كه‌ هه‌ر كه‌سێكی بۆ ماوه‌یه‌كی زۆر له‌سه‌ر كۆمپیوته‌ر كار بكات و بمێنێته‌وه‌ به‌ باشی ده‌یان ناسێت.

لێره‌وه‌ هه‌ندێك رێنمایی و رێگه‌چاره‌ی ساده‌ پێشكه‌ش ده‌كه‌ین كه‌ له‌وانه‌یه‌ ئه‌گه‌ر جێبه‌جێیان بكه‌ن له‌و گرفتانه‌تان دوور بخه‌نه‌وه‌:
شاشه‌ و ماندووكردنی چاوه‌كان:
زۆربه‌ی شاشه‌كانی كۆمپیوته‌ری سه‌رمێز و لاپتۆپیش وا دروست كراون كه‌ به‌ خێراییه‌كی نزم وێنه‌كان نیشان بده‌ن كه‌ پێی ده‌گوترێ (Refresh Rate). ئه‌و خێراییه‌ش به‌زۆری 60 هێرتزه‌. واته‌ توانای نیشاندانی 60 وێنه‌ی یه‌ك له‌دوای یه‌كی له‌سه‌ر شاشه‌كه‌یدا هه‌یه‌ له‌ ماوه‌ی یه‌ك چركه‌دا. به‌م ژماره‌یه‌ هه‌ڵمه‌خه‌ڵه‌تێ و به‌ زۆری مه‌زانه‌، چونكه‌ به‌ كه‌مترین تێكڕای خێرایی نیشاندانی وێنه‌كان داده‌نرێت له‌سه‌ر شاشه‌كاندا. زێده‌كردنی ئه‌و خێراییه‌ بۆ ئه‌وه‌ی ببێته‌ 72 یان 85 هێرتز، وا ده‌كات ئه‌وه‌نده‌ جاره‌ی كه‌ شاشه‌كه‌ تێیدا رووناكیه‌كه‌ی ده‌تروكێنێت، كه‌ به‌ ئینگلیزی (Flickering)ی پێ ده‌گوترێت، كه‌م بێته‌وه‌، كاتێك كه‌ شاشه‌ی كۆمپیوته‌ره‌كه‌مان ده‌خه‌ینه‌ سه‌ر ئه‌و خێراییه‌ به‌رزانه‌. ئه‌مه‌ش چاوه‌كان هێور ده‌كاته‌وه‌ و كه‌متر ماندوو ده‌بن له‌كاتی كاركردن له‌سه‌ر كۆمپیوته‌ردا. بۆ ئه‌نجامدانی ئه‌مه‌ش، له‌سه‌ر هه‌ر شوێنێكی چۆلی شاشه‌ی كۆمپیوته‌ره‌كه‌ت، كلیكی لای راست له‌سه‌ر ماوسه‌كه‌ بكه‌ و له‌و په‌نجه‌ره‌یه‌ی كه‌ ده‌كرێته‌وه‌ كلیك له‌سه‌ر Properties بكه‌. له‌و په‌نجه‌ره‌یه‌ی ده‌كرێته‌وه‌ له‌ رێزی سه‌ره‌وه‌ كلیك له‌سه‌ر Settings بكه‌. له‌و په‌نجه‌ره‌یه‌ی كه‌ دوای ئه‌مه‌ش ده‌كرێته‌وه‌ له‌ خواره‌وه‌ ئایكۆنی Advanced هه‌ڵبژێره‌ و كلیكی له‌سه‌ر بكه‌. په‌نجه‌ره‌یه‌كت بۆ ده‌بێته‌وه‌ كه‌ له‌سه‌ره‌وه‌ Monitor ی تێدایه‌ و كلیك له‌سه‌ر ئه‌مه‌ش بكه‌، په‌نجه‌ره‌یه‌كی دیكه‌ ده‌كرێته‌وه‌ كه‌ له‌ ژێر ناونیشانی Monitor Settings دا Screen refresh rate نووسراوه‌ كه‌ له‌ ژێریدا له‌ناو خانه‌یه‌ك ژماره‌كانی 60 و 72 و 85 هه‌يه‌ و ده‌توانی یه‌كێكیان هه‌ڵبژێری و ئه‌وجا كلیك له‌سه‌ر ئایكۆنه‌كانی Apply و OK بكه‌یت. له‌سه‌ر تۆڕی ئینته‌رنێتیشدا به‌رنامه‌یه‌كی به‌خۆڕایی هه‌یه‌ به‌ناوی Refresh Force كه‌ ده‌توانێت له‌ ماوه‌ی چه‌ند چركه‌یه‌كدا ئه‌و خێراییه‌ی شاشه‌كه‌ت بۆ رێك بخات.
زانایان پێیان باشه‌ كه‌ هه‌ر 15 خوله‌ك جارێك چاوه‌كانت له‌سه‌ر شاشه‌ی كۆمپیوته‌ره‌كه‌ت هه‌ڵگری و له‌په‌نجه‌ره‌ی ژووره‌كه‌ته‌وه‌ سه‌یری دیمه‌نێكی دوور بكه‌ی بۆ ئه‌وه‌ی چاوه‌كانت نه‌ختێك بحه‌سێنه‌وه‌. ئه‌گه‌ر شاشه‌ ته‌نكه‌كانی جۆری LCDیش به‌كار دێنی له‌گه‌ڵ سیسته‌مه‌ی كارپێكردنی په‌نجه‌ره‌كانی XP دا، ئه‌وا كاتێك كه‌ تایبه‌تمه‌ندی Clear Type به‌گه‌ڕ ده‌خه‌ی چاوه‌كانت ده‌حه‌سێنه‌وه‌ چونكه‌ وشه‌كان له‌سه‌ر شاشه‌كه‌ روونتر ده‌رده‌كه‌ون. ئه‌م تایبه‌تمه‌ندیه‌ش به‌ هه‌مان شێوه‌ی پێشوو له‌ ئایكۆنی Appearance و هه‌ڵبژاردنی Effects دا هه‌ڵده‌بژێردرێت.
ئێش و ئازاری جومگه‌كان:
رێگه‌كانی مامه‌ڵه‌كردن له‌گه‌ڵ كیبۆرد ده‌بێت زۆر به‌هه‌ند وه‌بگیرێن، له‌به‌ر ئه‌وه‌ی زۆر له‌وانه‌ی كۆمپیوته‌رى لاپتۆپ و سه‌رمێزه‌كان به‌كار دێنن نازانن به‌ رێگه‌یه‌كی راست و ته‌ندروستانه‌ ده‌ست و مه‌چه‌كیان كار پێبكه‌ن. هه‌رگیزاو هه‌رگیز نه‌كه‌ی له‌كاتی به‌كارهێنانی كیبۆرد دا مه‌چه‌كت بنووشتێنیه‌وه‌، به‌ڵكو ده‌بێت ده‌ست و مه‌چه‌ك و باسكت له‌ یه‌ك ئاست و له‌سه‌ر یه‌ك هێڵی راستدابن به‌بێ خواربوونه‌وه‌. نابێت باسكیشت بۆ سه‌ره‌وه‌ به‌رز یان بۆ خواره‌وه‌ نزم و لار بێت، به‌ڵكو ده‌بێت له‌گه‌ڵ قۆڵتدا گۆشه‌یه‌كی 90 پله‌یی له‌ ئانیشكه‌وه‌ دروست بكات. ئه‌گه‌ر دانانی ده‌ست به‌دروستی نه‌بێت، ئه‌وا ده‌بێته‌ هۆی ئازاری جومگه‌كانی مه‌چه‌ك و له‌وانه‌یه‌ ئازاره‌كه‌ بگاته‌ بڕبڕه‌ی پشتیش. بۆ ئه‌وه‌ی باشترین بار بۆ ده‌ستت بڕه‌خسێنیت له‌كاتی كارپێكردنی كیبۆرد دا، باشتر وایه‌ ئه‌و مێزانه‌ به‌كار بێنی كه‌ چه‌كمه‌چه‌ی بۆ كیبۆرد هه‌یه‌ به‌شێوه‌یه‌ك كه‌ كیبۆرده‌كه‌ له‌خواره‌وه‌ی ئه‌و رووه‌ی مێزه‌كه‌وه‌ داده‌نرێت كه‌ شاشه‌كه‌ی له‌سه‌ره‌. مێزه‌كانی تایبه‌ت به‌دانانی كۆمپیوته‌ر ئه‌م تایبه‌تمه‌ندیه‌یان هه‌یه‌ و پێمان باشه‌ ئه‌م جۆره‌ مێزانه‌ بكڕیت چونكه‌ بارێكی ته‌ندروستی باشترت بۆ ده‌ڕه‌خسێنن.
هه‌رچی ماوسه‌ ئه‌وا یه‌كێكه‌ له‌وانه‌ی كه‌ ده‌بێت به‌پێی رێنماییه‌ ته‌ندروستیه‌كان به‌كار بهێنرێت. له‌ راستان (ئه‌وانه‌ی ده‌ستی راسته‌ به‌كار دێنن) پێویسته‌ ماوسه‌كه‌ی له‌لای راسته‌ی خۆی دابنێت و له‌ هه‌مان ئاستی كیبۆرده‌كه‌ بێت، به‌ڵام ئه‌وانه‌ی چه‌په‌ن ده‌بێت ماوسه‌كه‌یان له‌لای چه‌په‌یان بێت و فرمانه‌كانی راسته‌ و چه‌په‌ی ماوسه‌كه‌یان له‌ Control Panel دا بۆ خۆیان بگۆڕن به‌جۆرێك كه‌ كلیكی راست ببێته‌ چه‌په‌ و هی چه‌په‌ش ببێته‌ راسته‌. ماوسه‌ هه‌رزان و خراپه‌كان به‌كار مه‌هێنن چونكه‌ ئه‌گه‌ر به‌ ئاسانی نه‌جوڵایه‌وه‌ و پۆینته‌ره‌كه‌ی رێك كاری نه‌كرد، ئه‌وا ده‌بێته‌ هۆی تووڕه‌ بوون و ماسوولكه‌كانی ده‌ست و باسكت ماندوو ده‌كات و كاره‌كه‌شت دوا ده‌كه‌وێت. ئه‌و ماوسانه‌ی به‌ تیشكی رووناكی Optical Mouse كار ده‌كه‌ن باشترن له‌وانه‌ی كه‌ تۆپێكی خڕیان تێدایه‌ و ناوه‌ ناوه‌ ده‌بێت پاك بكرێته‌وه‌، چونكه‌ له‌و كه‌شه‌ تۆزاویه‌ی خۆمان دا زوو زوو تۆز ده‌گرن و گیر ده‌بن. پارچه‌ی بن ماوسیش Mouse pad پێویسته‌ به‌كار بێنیت بۆ ئه‌وه‌ی رووێكی جێگیر و راست بۆ ماوسه‌كه‌ هه‌بێ و به‌ ئاسانی به‌سه‌ریدا بسووڕێته‌وه‌ و ده‌ستت ماندوو نه‌كات.

ئه‌مه‌ش نمونه‌یه‌ك بۆ دانیشتی منداڵ له‌به‌رامبه‌ر كۆمپیوته‌ر به‌شێوه‌یه‌كی ته‌ندروست

یارییه‌ ڤیدیۆییه‌كان بۆ هه‌رزه‌كاران سوودبه‌خشن

له‌ لێكۆڵینه‌وه‌یه‌كی نوێیدا كه‌ مایه‌ی مشتومڕه‌، پڕۆژه‌ی ژیانی ئه‌مه‌ریكی جه‌ختی له‌سه‌ر ئه‌وه‌ كردووه‌ كه‌ یارییه‌ ڤیدیۆییه‌كان بۆ هه‌رزه‌كاران سوودیان هه‌یه‌. ئه‌و هۆكارانه‌ش كه‌ به‌ قسه‌ی پڕۆژه‌كه‌ ئه‌و سووده‌ ده‌گه‌یه‌نن ئه‌وه‌یه‌ كه‌ ئه‌و یاریكردنانه‌ و كۆبوونه‌وانه‌ له‌ ده‌وروپشتی یه‌كتری وا له‌ هزری بچیكان ده‌كات كه‌ شارستانی تر بن و هانیان ده‌دات بایه‌خ به‌ لایه‌نه‌كانی خێر و چاكه‌كردن و پرسه‌ سیاسیه‌كان بده‌ن و په‌یوه‌ندییه‌ كۆمه‌ڵایه‌تیه‌كانیان زۆرتر بكه‌ن.

به‌پێی ئه‌وه‌ی كه‌ هه‌ندێ شاره‌زا دركاندوویانه‌ یاری ڤیدیۆیی وا له‌ منداڵان ده‌كات كه‌ زۆرتر له‌ ماناكان بگه‌ن به‌ به‌راورد له‌گه‌ڵ خوێندنه‌وه‌دا. بۆ نموونه‌ له‌وانه‌یه‌ منداڵێك ببێته‌ پاشا له‌ هه‌ندێ یاریاندا و ده‌ست به‌ پلاندانان بكات بۆ پێویستیه‌كانی وڵاته‌كه‌ی و پاراستنی له‌ دوژمنان. یاری دیكه‌ش هه‌یه‌ كه‌ به‌شداری له‌ یارمه‌تیدانی خه‌ڵكی دیكه‌ی تێدایه‌. یاریكردنی منداڵان به‌ ڤیدیۆ وایان لێده‌كات له‌گه‌ڵ كه‌سانی دیكه‌ی له‌خۆیان جیاواز له‌ بیركردنه‌وه‌ و تێڕوانیندا به‌یه‌ك بگه‌ن.
هه‌ر ئه‌م لێكۆڵینه‌وه‌یه‌ روونی كردۆته‌وه‌ كه‌ شته‌كه‌ بۆ زۆربه‌ی خه‌ڵك پتره‌ له‌وه‌ی ته‌نیا یاریه‌كی رووت بێت، چونكه‌ نزیكه‌ی 36%ی یاریكاران ئه‌وه‌ی له‌باره‌ی یاریه‌كه‌ نووسراوه‌ ده‌خوێننه‌وه‌و گفتوگۆی له‌سه‌ر ده‌كه‌ن. لێكۆڵینه‌وه‌كه‌ ئه‌مه‌شی نیشان داوه‌ كه‌ 10%ی هه‌رزه‌كارانی ئه‌مه‌ریكی سه‌ردانی ئه‌و جیهانه‌ گریمانه‌ییانه‌ ده‌كه‌ن.
به‌ چاوپۆشین له‌ یارییه‌ پڕ توندوتیژیه‌كان، ئه‌م پڕۆژه‌یه‌ ئاماژه‌ بۆ شاره‌زایی دیكه‌ش ده‌كات كه‌ له‌وانه‌یه‌ بچیكان له‌ یاریه‌ ڤیدیۆییه‌كانه‌وه‌ ده‌ستیان كه‌وێ، وه‌كو ئه‌و یاریانه‌ی تایبه‌تن به‌ چێشت لێنان و نه‌شته‌رگه‌ری و به‌كارهێنانی ئامێره‌ مۆسیقیه‌كان. لێكۆڵینه‌وه‌كه‌ هه‌ندێ ورده‌كاری دیكه‌شی ئاشكرا كردووه‌، وه‌ك ئه‌وه‌ی كه‌ كوڕان له‌ كچان پتر خه‌ریكی ئه‌و یاریانه‌ ده‌بن و 65%یان ئه‌و یاریانه‌ به‌ هاوڕێیه‌تی براده‌رانیان له‌هه‌مان ژووردا به‌ڕێوه‌ ده‌به‌ن، به‌ڵام ته‌نیا 27%یان به‌ته‌نیا و له‌ رێگه‌ی ئینته‌رنێته‌وه‌ ده‌یكه‌ن. هه‌روه‌ها لێكۆڵینه‌وه‌كه‌ نیشانی داوه‌ كه‌ سێیه‌كی باوكان له‌گه‌ڵ كوڕه‌كانیاندا ئه‌و یاریانه‌ ده‌كه‌ن، به‌تایبه‌تی ئه‌و باوكانه‌ی ته‌مه‌نیان گچكه‌یه‌ و له‌ چل ساڵ كه‌متره‌. به‌ڵام ژماره‌ی ئه‌و باوكانه‌ی ئه‌م یاریانه‌ له‌گه‌ڵ منداڵه‌كانیاندا ده‌كه‌ن كه‌م ده‌بێته‌وه‌ كاتێك كه‌ ته‌مه‌نیان له‌ چل ساڵی تێده‌په‌ڕێت. هه‌رچی په‌یوه‌یستیشه‌ به‌ چاودێری و به‌دواداچوون، ئه‌وا لێكۆڵینه‌وه‌كه‌ پیشانی داوه‌ كه‌ 90%ی باوكان گوتوویانه‌ كه‌ یاریه‌كانی منداڵه‌كانیان ده‌ناسن. ئه‌ماندا لینهارت، كه‌ یه‌كێكه‌ له‌ گه‌وره‌ تۆژه‌رانی ئه‌م پڕۆژه‌یه‌، ده‌ڵێ: خۆی و هاوڕێیه‌كانی بینیوویانه‌ كه‌ ئه‌وانه‌ی ئه‌م یاریانه‌ ده‌كه‌ن به‌زۆری كه‌سی كۆمه‌ڵایه‌تین. یه‌كگرتووی به‌رنامه‌ كات به‌سه‌ربه‌ره‌كان _ كه‌ نوێنه‌ری پیشه‌سازی یاری ڤیدیۆیی و كۆمپیوته‌ری ئه‌مه‌ریكاییه‌ _ ئه‌و هه‌له‌ی قۆستۆته‌وه‌ بۆ ئه‌وه‌ی جه‌خت له‌سه‌ر ئه‌وه‌ بكات كه‌ یاری ڤیدیۆیی، كات به‌سه‌ربردنێكی به‌سووده‌ و كاتی ئه‌وه‌ هاتووه‌ ئه‌و وێنه‌یه‌ی پێشووی ناو مێشك له‌باره‌یه‌وه‌ بگۆڕدرێت. ئه‌و لێكۆڵینه‌وه‌یه‌ ئه‌وه‌شی دووپات كردۆته‌وه‌ كه‌ ئه‌و (یه‌كگرتووه‌) له‌ مێژه‌ بڕوای پێ هه‌یه‌، ئه‌ویش ئه‌وه‌یه‌ كه‌ ئه‌و یاریانه‌ له‌وانه‌یه‌ به‌شێوه‌یه‌كی ئه‌رێنی كار له‌ پێشكه‌وتنی كۆمه‌ڵایه‌تی منداڵ بكه‌ن.
له‌لایه‌كی دیكه‌وه‌ ئه‌و لێكۆڵینه‌وه‌یه‌ بینیوویه‌ كه‌ 97%ی هه‌رزه‌كارانی ئه‌مه‌ریكی، ئه‌وانه‌ی ته‌مه‌نیان له‌نێوان 12 و 17 ساڵ دایه‌، یاری ئه‌لیكترۆنی ده‌كه‌ن، چ به‌ كۆمپیوته‌ر بێت یان له‌ رێگه‌ی ئینته‌رنێت و مۆبایله‌وه‌. لێكۆڵه‌ران بینیوویانه‌ كه‌ منداڵان به‌شێوه‌یه‌كی چه‌ند جاره‌ و بۆ ماوه‌ی درێژ له‌گه‌ڵ كه‌سوكاریان ئه‌و یاریانه‌ ده‌كه‌ن و نزیكه‌ی 31%یان رۆژانه‌ ئه‌و یاریانه‌ ده‌كه‌ن و ته‌نیا 21%یان سێ یان پێنج رۆژ له‌ هه‌فته‌یه‌كدا ده‌یكه‌ن.